நீயாகிய நான்...

குடை இருந்தும்..
மழையில் நனையும் பொழுது..

தூரத்து இடி சத்தத்தில்
அம்மா மடி சாயும் பொழுது..

குச்சி ஐஸ் வண்டி மணி சத்தத்தில்
துள்ளி குதித்து ஓடும் பொழுது

தோழியின் காதருகே
ரகசியம் பேசும் பொழுது...

எதிர் வீட்டு குழந்தையை
செல்லமாய் தலையில் தட்டும் பொழுது

உன் அன்பு அண்ணனிடம்
தலையணை சண்டை இடும் பொழுது..

ஏக்கமாய் பார்க்கிறேன்
நீயாகி விடக்கூடாதா நான் என்று...